Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

30 avril 2017 7 30 /04 /avril /2017 14:11

30/04/2017

Foto Viviane Moos/Getty Images: La unua marŝado por la klimato organizita en Novjorko en 2014 dum la pintkunveno de la Unuiĝintaj Nacioj pri la klimato, kolektis 400 000 manifestaciantojn. Ĉekape de la defilado, la aktoro Leonardo DiCaprio.    

Dekoj da miloj da Usonanoj defiladis sabaton de la Kapitolo al la Blanka Domo, por esprimi la gravecon de la lukto kontraŭ la klimata varmiĝo, kaj denunci la retropaŝon de la prezidento Donald Trump pri tiu temo.

Tiu «Marŝado por la klimato» disvolviĝis sub varma temperaturo, cent tagojn post la prezidenteco de la klimatoskeptika miliardulo, celo de multaj sloganoj, kaj tre kritikata de la kolektitaj ĉiuaĝaj manifestaciantoj.

La aktoro Leonardo DiCaprio partoprenis la defiladon meze de grupo de Indianoj. «La klimata ŝanĝiĝo estas realeco», estis legebla sur afiŝtabulo, kiun li tenis antaŭ li.

«Trump ignoras la jam alprenitajn leĝojn, elvokas eliron el la Pariza akordo de decembro 2015 pri la klimato, li provas reaktivigi petrolon kaj karbon, dum ili kadukiĝas, ĉio ĉi kontraŭas la necesajn decidojn», detaligis Robert Siegel, inĝeniero veninta de la Ŝtato Novjorko por tiu manifestacio.

Kelkaj afiŝtabuloj deturnis la faman sloganon de Trump, «Redoni ĝian grandecon al Ameriko» kaj «Redoni ĝian freŝecon al Ameriko». Aliaj mokis la ekologian koston de liaj oftaj semajnfinoj en Florido, aldonante, ke ankaŭ lia palaco de Mar-a-Lago estas minacita de leviĝo de la oceanoj.

«Ni reprezentas plimulton, eĉ se ni ne regas nun. Plimulto el la loĝantaro konsentas kun la ideoj de tiu marŝado», opiniis Bill Jenkins, muzikprofesoro, reference al la populara baloto perdita de Donald Trump dum la baloto, kiun li gajnis la 8an de novembro 2016.

Multaj aliaj flagrubandoj promociis ekonomion pli verdan, kiu farus pli grandan lokon al la renoviĝantaj energioj, kaj avertis de la danĝero de neagado, denuncante la kontraŭajn deklarojn de Donald Trump.

Tiu ĉi asertis, interalie, ke la klimataj perturboj estas «mistifiko» aŭ «koncepto elpensita de la Ĉinoj por malhelpi la usonan industrion, esti konkurenca».

Laŭ Kem Morawski, pensiulino, kiu vivas en la Ŝtato Marilando, la celo de tiu mobilizado estas «montri al la Kongreso, ke multaj homoj, kiuj estas iliaj elektintoj, maltrankviliĝas pro la klimata ŝanĝiĝo».              

Koncerne Trump-n, ŝi daŭrigis, «mi dubas, ke li aŭskultos nin».  

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }