Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

1 avril 2017 6 01 /04 /avril /2017 18:50

01/04/2017

Portreto de Christophe "Yanuwana" Pierre.

La sociala konflikto, kiu tuŝas nun Gvianon vastiĝis al la tuta loĝantaro, inkluzive de la indiĝenaj popoloj.

Christophe Pierre devenas de la komunumo Kali'na. Li eksplikas: 

Mi nomiĝas Christophe "Yanuwana" Pierre, mi devenas de la komunumo Kali'na en la valo Maroni. Ni ne havas asocion, ni nur estas vilaĝanoj mobilizitaj de post ĵaŭdo 23a de marto 2017, kun la subteno de la kutimjuraj aŭtoritatoj. De tiam, ni plibonigas tagon post tago nian organizadon.

Ni ĉefe devenas de la nacio Kali'na kaj Aravakoj sur la baraĵo de la vilaĝo Saint-Laurent du Maroni, tamen ni subtenas ankaŭ la postulojn de la aliaj internaj Nacioj, kiuj malfacile povas esprimiĝi.

Dudek postuloj por agnoski niajn rajtojn

Ni decidis partopreni la lukton, ĉar kiel indiĝenaj popoloj de tiu teritorio, ankaŭ ni havas postulojn legitimajn kaj justajn. Ni partoprenis ellaboradon de kajero de indiĝenaj postuloj kun la indianaj organizaĵoj (ONAG, FOAG, CPN) kaj la "Konsulta konsilio de la Indianaj kaj Buŝinengaj Popoloj" (CCPAB).

Tiuj dudek postuloj havas kiel celon, interalie, agnoskon de la rajtoj de la indiĝenaj popoloj, gravegaj por nia postvivado. Temas pri oficiala agnosko de nia kutimjura institucio, kaj niaj kutimjuraj ĉefoj, kaj retransdono de la teroj, kiuj nun apartenas al la Ŝtato. Kaj ankaŭ efektivigo de la instruado de niaj lingvoj, de vartejo ĝis universitato, aŭ malapero de la kontraŭleĝa orekspluatado.    

Devigi la Gviananojn al dialogo

La nuna populara movado en Gviano naskiĝis de la ĝenerala incitegiĝo pro nesekureco, sed ne nur. Multegaj parametroj nun estas enkalkulindaj. Gviana publika debato naskiĝas, kaj ĉiuj roluloj de tiu teritorio devas ĉeesti. Pro tio, ni mobiliziĝas. Ni implikiĝas en la estonto de la tero de niaj  prauloj.

Ni estos tie post Francio

(…)

Ĉiuj kredigis al ni, ke ni jam malaperis. Ni eĉ komencis kredi pri nia propra morto. Sed ĉi-foje, la indiĝenaj popoloj leviĝas, same kiel tuta Gviano. Ni ekkonsciis, pri kio ni kapablas, ankoraŭ hodiaŭ.      

Ni estas ĉi tie de antaŭ miloj da jaroj. Ni traspertis la kolonian epokon, ni same traspertos la novkolonian epokon… ni plu estos ĉi tie post Francio. La indiĝenoj memorigis ĉi-mardon 28an de marto 2017, ke ni estas la plej utopia revo de niaj prauloj.

neniammilitointerni - dans Monda Socibatalo
Créer un blog gratuit sur overblog.com - Contact - CGU -
.date span.text {display:none ; }