Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

8 mars 2017 3 08 /03 /mars /2017 20:38

08/03/2017

Foto Tanguy Deville: La Gujana tukaneto apartenas al la eksterordinara biodiverseco de «Franca Amazonio»

Tute diskrete, la franca Ŝtato kuraĝigas industriigon de la orsektoro en Gviano. La projekto «Montaro de Oro», planita por 2018, fariĝus la plej granda minejo de la franca teritorio. Ĝi havus gravajn homajn kaj mediajn efikojn, kaj estus malfermo al la aliaj minaj multnaciaj entreprenoj, kiuj atendas.

Industria monstro

La projekto «Montaro de Oro» vastiĝas laŭ 190 km2 da koncesioj, kaj antaŭvidas fosaĵon 2,5 kilometrojn longa, 500 metrojn larĝa, kaj 400 metrojn profunda. La uzino de erco-traktado per cianidigo postulas energion egalvaloran al 20% el la jara konsumado de Gviano.

Tiaj industriaj areoj tute certe detruadas la arbaron, la ekosistemojn kaj la ĉirkaŭaĵojn, en kiuj ili instaliĝas, pro la probabla acida mindrenado. La ĉefa risko kuŝas en la diga stokado de milionoj da tunoj da cianidaj kotoj. Almenaŭ 25 rompoj de digoj okazis de post la jaro 2000 en la mondo. En 2015, Brazilo spertis similan akcidenton konsideratan, kiel unu el la plej gravaj ekologiaj katastrofoj.

Gviano plu inkludas sendifektan parton de la amazonia arbaro, pulmo de nia planedo, kaj eksterordinaran areon de biodiverseco. Tiu teritorio nepre devas esti protektata kontraŭ detruaj aktivaĵoj.

La ormina ekspluatado ne estas nemalhavebla. La industriaj bezonoj reprezentas nur 8% el la ekstraktita oro. En 2015, la recikliga sektoro produktis de ĝi trioble pli ol bezonata.

Okaze, se Francio permesas la grandskalan ekspluatadon de tiu unua mino, ĝi favorigos necese multobliĝon de similaj minprojektoj.

Elekto de socio tia, ne estas solvo por daŭra disvolviĝo. Aliparte, la loĝantaro ne estis pridemanditaj, kaj la proceduroj, kiuj devigas konsulti la "Konsultan Komitaton de la Indianaj kaj Buŝinengaj loĝantaroj", ne estis respektataj.

La kolektivo "Or de question"(*), kiu grupigas lokajn kaj naciajn NROjn, petas de la franca registaro, tujan ĉesigon de la projekto de tiu mina superindustrio. La gviana ekonomio devas orientiĝi al ekologie kaj socie daŭripova disvolviĝo.

(*) «Or de question» estas vortludo. En la franca, la ĝusta esprimo estas fakte «Hors de question», kiu signifas « nepra rifuzo » (laŭlitere: eksterdemando). Tiu esprimo ludas per ambaŭ vortoj «or» (oro en la esperanta) kaj «Hors» (ekster en la esperanta), kiuj eldiriĝas same.  

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }