Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

6 décembre 2016 2 06 /12 /décembre /2016 16:11

06/12/2016

Sur la plaĝo Kỳ Anh, en la centra provinco Hà Tĩnh, pli ol 100 tunoj da konkoj mortis fine de aprilo, post vasta industria poluado. Foto STR/AFP.

La damaĝoj kontraŭ la medio pli kaj pli maltrankviligas la vjetnamajn civitanojn. Tiom grade, ke la registaro silentigas la debaton pri tiu temo.   

« Malofta ago de civila malobeo ». Tiel la retpaĝo The Diplomat kvalifis la manifestacion de miloj da Vjetnamoj en la provinco Hà Tĩnh, la 2an de oktobro, antaŭ la uzino Formosa (Video).

Ili protestis kontraŭ la firmao, kulpa pri amasa poluado de la akvo laŭ 200 kilometroj da marbordoj en aprilo 2016. Milionoj da tunoj da fiŝoj kaj konkoj mortis pro la konsekvencoj de la liko de kemiaj produktaĵoj ellasitaj el la ferindustria uzino.

La manifestaciantoj, venintaj de la ĉirkaŭaj vilaĝoj, kie la homoj vivtenas sin ĉefe per fiŝkaptado, postulis fermadon de la uzino, kaj pli gravajn monkompensojn.

Pritrakti tiun temon estas danĝere   

La temo pri naturmedio pli kaj pli trudiĝas en la publika debato en Vjetnamio. « Ni vidis ĝis kia grado, la media aktivismo enradikiĝis ĉe la ĉinaj civitanoj. Ŝajnas, ke la Vjetnamoj siavice pli kaj pli esprimiĝas pri tiuj temoj », aldonas The Diplomat.

Sed esprimiĝi pri tiu temo estas rapide punata de la aŭtoritatoj. Nguyen Ngoc Nhu Quynh, la blogistino kiu skribas per la kaŝnomo "Me Nam" – aŭ « Fungo-Patrino », estis arestita la 10an de oktobro en sia hejmo. Ŝi estas persekutita, ĉar « ŝi propagandis kontraŭ la socialista respubliko de Vjetnamio », kaj riskas punon ĝis dek du jaroj da malliberejo. La aŭtoritatoj riproĉas ŝin, ke ŝi esprimis en sia fejsbuka paĝo, ege legata, opiniojn kritikantajn la manieron, per kiu la aŭtoritatoj reagis, fronte al tiu ekologia katastrofo.

Ĉu la Vjetnama poluado estos baldaŭ pli grava ol la ĉina? 

Dum internacia konferenco pri la vjetnama ekonomio, la 18an de novembro en Hanojo, la universitatano Dinh Duc Truong substrekis, ke « 80% el la industriaj areoj de la lando ne respektas la mediajn regulojn », raportas la brita retpaĝo de la ĵurnalo Tuoi Tre.

Nun, la kosto de la mediaj damaĝoj reprezentas laŭ li, 5% el la malneta enlanda produkto (MEP). « Se la poluado daŭras samtakte, Vjetnamio ŝajne superos sian grandan Nordan najbaron », alarmis la esploristo. En Ĉinio, tiu kosto estas nun taksita je 10% el la ĉina MEP.

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }