Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

5 novembre 2016 6 05 /11 /novembre /2016 14:10

05/11/2016

Malliberigita en Istanbulo, la verkistino Aslı Erdoğan lanĉas « urĝan alvokon »:

« Karaj geamikoj, kolegoj, ĵurnalistoj, kaj membroj de amaskomunikiloj,

Mi skribas al vi tiun leteron el la malliberejo de Bakırköy, tagon post la polica operaco kontraŭ la ĵurnalo Cumhuriyet, unu el la plej maljunaj ĵurnaloj, kaj voĉo de la socialdemokratio. Nun, pli ol 10 verkistoj de tiu ĵurnalo estas en provizora arestado. Kvar personoj, el kiuj Can Dündar, eks-ĉefredaktoro, estas serĉataj de la polico. Eĉ mi, estas ŝokita.

Tio klare demonstras, ke Turkio decidis malrespekti siajn proprajn leĝojn, kaj la juron. Nun, pli ol 130 ĵurnalistoj estas en malliberejo. Tio estas tutmonda rekordo. En daŭro de du monatoj, 17  ĵurnaloj, magazinoj, radioj kaj televidoj estis fermitaj. Nia nuna registaro volas monopoligi la « veron » kaj la « realecon », kaj ĉia opinio iom malsimila al la opinio de la registaro estas perforte subpremata:  polica perforto, tagoj kaj noktoj da provizora arestado (ĝis 30 tagoj)…

Mi estis arestita nur ĉar mi estis konsilistino de Özgür Gündem, « kurda ĵurnalo ». Malgraŭ la fakto, ke la konsilistoj havas neniun respondecon en la ĵurnalo, kio estas klare indikita en la artikolo n°11 de la leĝo pri gazetaro, mi ankoraŭ ne estis kondukita antaŭ tribunalon, kiu aŭskultos mian historion.

En tiu kafkaeska proceso, ankaŭ Necmiye Alpay, lingvista sciencisto 70-jara, estis arestita kun mi, kaj juĝita pro terorismo.

Tiu letero estas urĝa alvoko!

La situacio estas gravega, terura kaj ege maltrankviliga. Mi estas konvinkita, ke la totalisma reĝimo en Turkio, disvastiĝos neeviteble al tuta Eŭropo. Eŭropo nun fokusiĝas en la « krizo de la rifuĝintoj », kaj ŝajne ne konsciiĝas pri la danĝera malapero de la demokratio en Turkio. Ni, verkistoj, ĵurnalistoj, Kurdoj, Alevoj, kaj kompreneble la virinoj – ege pagas la prezon de la « demokratia krizo ». Eŭropo devas respondeci, rememorigi al si la valorojn, kiujn ĝi difinis, post jarcentoj da verŝita sango, kaj kiuj faras ke Eŭropo estas ja Eŭropo » : demokratio, homaj rajtoj kaj libereco pri opinio kaj esprimo…

Ni bezonas vian subtenon kaj solidarecon. Ni dankas vin pro ĉio, kion ĝis nun vi faris por ni.

Elkore.

Aslı Erdoğan »

1.11.2016, Bakırköy Cezaevi, C-9

neniammilitointerni - dans Homaj Rajtoj
Créer un blog gratuit sur overblog.com - Contact - CGU -
.date span.text {display:none ; }