Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

7 juillet 2016 4 07 /07 /juillet /2016 16:47
Merkredon, tiuj virinoj postulis pli bonan edukadon dum manifestacio.@ CHRISTOPHE SIMON / AFP
Merkredon, tiuj virinoj postulis pli bonan edukadon dum manifestacio.@ CHRISTOPHE SIMON / AFP

07/07/2016

Merkredon, dum tiu manifestacio, strikantaj instruistoj petis pagon de malfruaj salajroj fare de la Ŝtato Rio, kiu preskaŭ bankrotas

Ĉirkaŭ miloj da personoj manifestaciis merkredon en Rio, Brazilo, por peti pli da investoj en la publikaj servoj, kaj alvokis al « bojkoto » de la Olimpikoj, kiuj okazos de la venonta 5a de aŭgusto ĝis la 21a.

Nepagitaj salajroj

La manifestaciantoj, ĉefe instruistoj, kiuj strikas de antaŭ tri monatoj, blokadis grandan avenuon en la urbo-centro, postulante pagon de malfruaj salajroj de la registaro de Rio, ĉe rando de bankroto. Ĝi antaŭnelonge ricevis federalan monhelpon de 870 milionoj da dolaroj.

« Tiu registaro asertas, ke ĝi ne havas monon por sano kaj edukado, sed havas sufiĉe por la Olimpikoj. Tio estas absurda ! Pro tio, ni funkciuloj, surstratiĝas por lukti favore al niaj rajtoj », deklaris Edson Cunha, 41-jaraĝa instruisto.

La prezidento Temer kritikata

Ankaŭ anarkiistoj, nigre vestitaj, manifestaciis, surhavantaj ŝildetojn kaj afiŝtabulojn petante « bojkoton » de la Olimpikoj. La kritikoj ankaŭ celis la regionan registaron kaj la provizoran prezidenton Michel Temer.

Jam en 2013

En junio 2013, dum la "Pokalo de la konfederacioj", Brazilon skuis amasaj manifestacioj, por postuli plibonigon de la publikaj servoj, kaj kritiki la monsumon investitan en la "MondPokalon", kiu okazis en junio kaj julio 2014. Ĝi komenciĝis per protesta movado de studentoj kontraŭ altigo de la tarifoj en la publikaj transportoj.

neniammilitointerni - dans Monda Socibatalo
Créer un blog gratuit sur overblog.com - Contact - CGU -
.date span.text {display:none ; }