16/11/2015
En Tournai, pluraj dekoj da rifuĝintoj spontanee surstratiĝis kun flagrubandoj, por manifesti sian subtenon al Francio kaj kondamni la terorismon.
Fine de posttagmeze, ili estis pluraj dekoj da rifuĝintoj, kiuj kolektiĝis sur strato de Tournai, en Valonio, kontraŭ la terorismo kaj subtene al la viktimoj de la parizaj atakoj, raportas la ĵurnaloj L'Avenir kaj Nord-Éclair. Iliaj flagrubandoj estis skribitaj en la franca kaj araba.
Inter la francaj mesaĝoj, ni povis legi interalie « Ni estas rifuĝintoj kaj kontraŭ la terorismo », « Homaro devas ĉesigi militon » kaj « Sirianoj kaj Irakanoj kunigas siajn preĝojn por la viktimoj de Parizo ».