Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

1 octobre 2015 4 01 /10 /octobre /2015 09:11
La manifestacioj dum vendredo okazigis ankaŭ sep vunditojn, kvar manifestaciantojn kaj tri policistojn, dum grupo da protestantoj provis sturmi la policejon de la urbo Cocachacra. PHOTO MARTIN MEJIA, ARCHIVES AP
La manifestacioj dum vendredo okazigis ankaŭ sep vunditojn, kvar manifestaciantojn kaj tri policistojn, dum grupo da protestantoj provis sturmi la policejon de la urbo Cocachacra. PHOTO MARTIN MEJIA, ARCHIVES AP

01/10/2015

Viro mortis vendredon en kolizioj kun la polico sude de Peruo, laŭ kuracaj informfontoj. Li estas la kvara mortinto de post la komenco, antaŭ du monatoj, de manifestacioj kontraŭ la minprojekto Tia Maria.

« La manifestacianto, 55-jaraĝa estis, jam senviva, kondukita al sanigejo », deklaris ĉe "radio RPP", la kuracisto Walter Vera, direktoro de la medicina centro de la provinco Islay.

Laŭ atestantoj, la viktimo mortis post ricevo de kuglo en la bruston, informo ne konfirmita de la lokaj aŭtoritatoj.

La manifestacioj dum vendredo okazigis ankaŭ sep vunditojn, kvar manifestaciantojn kaj tri policistojn, dum grupo da protestantoj provis sturmi la policejon de la urbo Cocachacra. Tie koncentriĝas la opozicia movado al la kupra minejo, projekto kondukita de "Southern Perú", filio de la meksika kompanio "Southern Copper".

La minkompanio petis trankvilon pasintsemajne, proponante dumonatan « paŭzon » por ĉesigi la dubojn ekzistantajn pri la projekto Tia Maria, forpuŝita de la loĝantaro de la regiono Islay, kiu sekvas ĝeneralan strikon de la 23a de marto, kaj kie la manifestacioj multobliĝas.

Depost lanĉado en 2009, la loĝantoj kontraŭas Tia Maria-n, projekto de 1,4 miliardo da dolaroj, opiniante ke ĝi malutilos al la surloka agrikulturo kaj medio.

Peruo : kvara mortinto dum manifestacio kontraŭ minprojekto

La mastraro de la perua minsektoro deklaris sin favora al interrompo de la vasta projekto Tia Maria, kaj Eklezio proponis sian mediacion.

Post perfortaj incidentoj dum antaŭaj manifestacioj, milo da soldatoj estis deplojitaj en la provinco, kie troviĝas la konstruaĵo, cele al kontrolo de la situacio.

Peruo, kiu posedas gravajn naturajn riĉaĵojn en sia sub-grundo, estas la dua produktisto de kupro kaj kvina produktisto de oro en la mondo. Ĝia minsektoro estas konsiderata kiel unu el la plej viglaj sektoroj, kaj kiel piliero de ĝia ekonomio.

De pluraj monatoj tamen, la sociaj konfliktoj ĉirkaŭ minaj kaj petrolaj projektoj intensiĝas en la lando, estigante maltrankvilon de la politika klaso kaj de la industriaj sektoroj, kiuj timas por la investoj en tiu ŝlosil-sektoro de la landa ekonomio.

http://www.lapresse.ca/international/amerique-latine/201505/22/01-4871884-perou-quatrieme-mort-lors-de-manifestations-contre-un-projet-minier.php

https://www.youtube.com/watch?v=cDojkbr8Aq4

neniammilitointerni - dans Monda Socibatalo
Créer un blog gratuit sur overblog.com - Contact - CGU -
.date span.text {display:none ; }