Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

24 août 2015 1 24 /08 /août /2015 14:13
Foto : Palestina Bedueno portas sian junan infanon antaŭ sia loĝejo detruita de buldozoj, apud la israela kolonio Karmel, situanta en la vilaĝo Um Alkhier (proksime de Hebrono) en Cisjordanio, la 27an de oktobro 2014
Foto : Palestina Bedueno portas sian junan infanon antaŭ sia loĝejo detruita de buldozoj, apud la israela kolonio Karmel, situanta en la vilaĝo Um Alkhier (proksime de Hebrono) en Cisjordanio, la 27an de oktobro 2014

24/08/2015

La israela armeo detruadis kontraŭleĝe almenaŭ 39 loĝejojn en la beduenaj palestinaj komunumoj de Cisjordanio la 17an kaj 18an aŭgusto, deklaris "Human Rights Watch". Tiuj malkonstruadoj senigis 126 personojn – el kiuj 80 infanojn – je iliaj hejmoj. La detruadoj en kvar komunumoj estis efektivigitaj kadre de projekto de la israela registaro celante truditan « translokigon » de 7000 beduenoj.

La detruado de privataj proprietoj kaj la trudata translokigo de Palestinanoj malrespektas la devigojn de Israelo rilate la internacian juron pri homaj rajtoj, kaj la leĝojn koncerne la situacion de okupado. La Kvara Konvencio de Ĝenevo malpermesas detruadon de privataj proprietoj (Art.43) kaj truditan translokigon de personoj (Art.49), krom okaze de strika neceseco pro « militistaj urĝaj kialoj ». Ĉi-okaze, la israela registaro ne pravigas la detruadojn kaj la projekton de translokigo pro militistaj motivoj.

« La eskalado de kontraŭleĝaj malkonstruadoj plenumitaj de Israelo okazas dum la Internacia Puna Kortumo (IPK) atentas pri la situacio en Palestino », menciis Balkees Jarrah, sperta juristo ĉe la programo pri Internacia justico por "Human Rights Watch". « La proceduro de la IPK studos tiujn malkonstruaĵojn kadre de sia prepara ekzameno, rilate asertojn pri gravaj krimoj plenumitaj en Palestino. »

La 17an de aŭgusto, la detruado de loĝejoj en kvar beduenaj komunumoj situantaj en la areo E-1, en Cisjordanio, senigis 78 personojn je iliaj hejmoj. La 18an de aŭgusto, laŭ la ĵurnalo Ha’aretz, la israela armeo detruadis plurajn loĝejojn en la vilaĝo Fusa'il, en la Jordana valo, senigante tiel 48 aliajn personojn je iliaj hejmoj.

Israelo : la nombro de kontraŭleĝaj detruadoj de palestinaj loĝejoj kreskas

Tiuj operacioj okazis post la projekto de malkonstruado de loĝejoj en la vilaĝo Susya, sude de Cisjordanio, kiu estigis ondon da internaciaj protestoj, kaj ankoraŭ ne estis efektivigita.

Laŭ la "Statuso de Romo de la IPK" (Art.2b.v111), la « rekta aŭ nerekta translokado » de loĝantoj fare de okupanta potenco, konsistigas militkrimon, same kiel « forkonduko aŭ translokigo ene aŭ ekster okupata teritorio, de tutaĵo aŭ parto de loĝantaro ». De la komenco de 2011, la malkonstruaĵoj ordonitaj de la israela registaro en Cisjordanio kaj en Orienta Jerusalemo senigis pli ol 4652 Palestinanojn – inter kiuj 1215 personojn en 2014 – je iliaj hejmoj.

neniammilitointerni - dans Homaj Rajtoj
Créer un blog gratuit sur overblog.com - Contact - CGU -
.date span.text {display:none ; }