/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20210816%2Fob_11bc76_image-0553642-20141013-ob-1b8f4e-malal.jpg)
13/10/2014
« Infano, instruisto, libro kaj skribilo povas ŝanĝi la mondon »
La Nobel-premio pri paco estis aljuĝita al du personoj : la Pakistana Malala kaj la barata Satyarthi por rekompenci ilian batalon favore al aliro de ĉiuj infanoj al edukado.
La Nobel-premio pri paco estis kune aljuĝita pasintan vendredon al la pakistana adoleskantino Malala, plej juna premiito el Historio, kaj la baratano Kailash Satyarthi « pro ilia batalo kontraŭ subpremo de infanoj kaj junuloj kaj por la rajto de ĉiuj infanoj al edukado ».
« La infanoj devas frekventi lernejojn kaj ne suferi pri financa ekspluatado », diris la prezidanto de la Norvegia Nobel-komitato, Thorbjoern Jagland.
Malamata kaj timata de la talibanoj, enkorpiganta la batalon por la rajtoj de knabinoj al edukado en la tuta mondo, Malala Youzafsaj, nur 17-jaraĝa, estas la plej juna premiito en 114 jaroj da Nobela historio. De jaroj, ŝi aktivadas favore al rajtoj de knabinoj al edukado, kio faris de ŝi la celon de murdo-provo kiu preskaŭ mortigis ŝin antaŭ du jaroj, la 9an de oktobro 2012.
Malpli konata de la publiko kaj pli aĝa, 60-jara, Kailash Satyarthi gvidis manifestaciojn kontraŭ ekspluatado de infanoj, ĉiujn neperfortajn en la « tradicio de Gandhi », kiel substrekis la Nobel-komitato.